Қызылордадағы мешіттің жанын жастар ойын-сауық пен махаббат бекетіне айналдырып жіберген (фото)

Сейсенбі, 19 Шілде , 2016 11:00

Жақында Қызылорда қаласындағы “Ақмешіт –Сырдария” мешітінің жанында субұрқақ пен жайлы орындары бар кішігірім саябақ бой көтерген болатын. Бүгінде сол аумақ сауда-саттықтың ордасына айналып, ал жастар қасиетті үйдің алдын махаббат бекетіне айналдырып жіберген.

47

Бұл туралы Stan.kz хабарлайды.

Мешіт айналасындағы саябақта бәрі бар. Велосипедті жалға берушілер мен түрлі тәттілерді саудаға шығарған сатушылар осында жиналып алған. Олардың қызметіне жүгініп жүрген жандар да жетерлік. Кеш түссе бітті, айнала у-шу. Ақшаға құныққан жандарды дәл жанында Алланың үйі орналасқаны алаңдатпайтындай.

Қалай болса солай сөйлеп, дөрекі қылық танытатындарды тәртіпке шақырып жүрген ешкім де жоқ. Темекісін шегіп, сырасын ішіп кететіндер айналасын бүлдіріп, ластап кетіп жатыр. Намаз оқылып, азан айтылатын қасиетті жердің киелілігіне мән беріп жатқандарды да кездестіру қиын.

54

Бүгінде бұл мәселе әлеуметтік желілерде қызу талқыланып жатқан тақырыптардың бірі.

“Ақмешіт Сырдария” мешітінің алдыңғы аумағы парк секілді. Кеш қарая жалға берілетін мәшиненің ойыншық түрі, велосипед, попкорн, мергендер мекені, балалар үй алаңы осында. Ақша алмасу. Ал мешітте намаз оқылып жатыр. Ұят емес пе? Алла үйінің әдебіне қайшы емес пе? Қалай ойлайсыздар? Екінші, субұрқақ жанында отбасымен барып балаларды ойнату қауіпті. Кешенің өзінде велосипедпен бір баланы басып кетті. Астында қалған баланың шыңғырғанынан жүрегіміз ауырды. Тым болмаса осыны реттеп дәл осы жерден велосипедті құртуға болмай ма? Парктің маңдайшасы мен аттракциондарын көтеріп әкелуге белдері жарамайды. Болмаса оны да жасар еді. Осы дұрыс па енді?” , – деп өз парақшасына жазба қалдырған желі пайдаланушысы Нұрбике Құдайбергенованың пікірін қолдай кеткендер көп болды.

85

Ең өкініштісі, субұрқақ айналасында отырған ғашықтар мешіттің айналасын нағыз махаббат бекетіне айналдырып жіберген. Ешкімнен қысылмай, сезімдерін ашық көрсетуге ұялмайтындар көп.

0S5A0034[1]

Расымен, иманға бет бұрып, намазға жығылған жамағат та бұл жағдайға алаңдаушылық білдіріп отыр. Мұсылмандық парызына адал азамат Айбек Әлім осы тұрғыда пікірлерімен бөліскен еді.

77

“Мешіттің айналасы тыныш болуы қажет. Қазір паркке айналған. Мешітке келген адам тыныштық іздеп келеді. Рухани тұрғыда ләззатқа бөленгісі келеді. Бүгін барсаңыз айналасы деген у-шу. Музыка қойып қоятындар да кездеседі. Бұған қарап қынжыламыз”, – дейді ол.

63

Жергілікті имамдар да бұл жағдайға бейжай қарамайтындарын айтуда. Алдағы уақытта олар бұл проблема оңынан шешіледі деп сенеді.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

14
Комментариев
  • Айгерим says:

    Кешириниздер арине менимше ешкандай бунын айыбы жок. Кайда барсанда бари акша, сосын амал жок сол жерге барамыз. Калада баска тегин отырып, балаларды ойнатып кайтатын жер жок кой… Оданда баска проблемаларынызды шешениздерши, отиниш!!!!

  • Анонимно says:

    Менің үйім сол маңда орналасқан. Кеш құрым балаларымен субұрқаққа серуенге шығатынбыз. Кəзір əр серуен қалта қақтырады. Ойын сауық керек болса орталық паркке барармыз. Ақылы қызметтерді алып тастауды мен құптаймын.

  • Анонимно says:

    Бұл орын, қала халқы кешікілік серуендейтін тамаша демалыс орындарының біріне айналды, мұны ешкім жоққа шығара алмайды. Ал мына жерде жазылған мәліметтер адамның тіпті күлкісін келтіреді. Субұрқақтың мешіттің қасында орналасқаны елге пайда болмаса еш зияны жоқ, ол анық. Себебі, рухани демалыс іздеген адам даңғырлаған музыка қосылған жерден, мешітте шақырылған азанның даусы мен айтылған уағыздарды тындап отырса несі айып. Оның үстіне кішкентайларымыз бала күнінен кафе-ресторандар, түнгі клубтарды емес Алланың үйі – мешітті көріп өспейме. Субұрқақтың айналасы сауда орнына айналғанына қарсы секілдісіз, бірақ ішетін суыңызды, балмұздағыңыз бен балаңызға берер тәттіңізді ол жерде болмаса да басқа жерден сатып әкелесіз. Әрі бері сандалғаннан қасыңызда тұрғаны жаманба? Батуттар мен велосипедтерге де қарсы бола алмайсыз, өйткені қыдыртып жүрген балаңызды бір жерде ұстап отыру тағы мүмкін емес, сондықтан олардың қызметін қуана пайданасыз. Егер ол жерде түк болмаса “халықтың серуендеуіне жағдай жасалмаған” – деп айтар едіңіз. Ол жерді біреулер махаббат бекетіне айналдырып, темекі шегіп ластап жатса оған кім кінәлі??? Сондай әрекеттер жасау әбестік екенін білмейтін санасыздар ма әлде халықтың игілігі үшін деп қызмет етіп жүрген ел ағаларыма? Өзіңіз ойланып шешерсіз мақала авторы…..

  • Анонимно says:

    Дурыс емес баратын баска да жерлер бар фонтан жок кезде де баска жерлерге барып журди имандарын умытпау керек

  • Анонимно says:

    проблема көріп отырғаным жоқ.

  • Анонимно says:

    Дурыс емес, тусинемин, тазалык, имандылык болу керек, бирак кайда барсын, баратын жерде жоккой жалпы карасан. Кун ыстык, ол жерде фонтан бар. Ондай болмау ушин фонтанды баска жерге салу керек еди.

  • Анонимно says:

    Позор, на весь интернет всю кызылорду поставили на посмешище. Соны карап,отыратын тиисти органдар кайда карап отыр.

  • Қызылордалық. says:

    Қызылордада бір демалыс орны ашылған екен ,оны да әңгімелейтін болдық па? Ата аналар мешіт жанында су бұрқақ жанына балдарын апарса оның несі айып?Қаланың бұл жақ бөлігінде басқа баратын жер жоқ болғасын барады.Одан да соны көтермейсіздер ме? Бір жар жас темекі шекті,бір біріне сезім білдірді деп жабайық?Жан жағында әдемі талдар ,парк бар.Оны да отайық,,жым жылас қылайық.Кім білген маскүнем мен жастар арасында жүрген шығар? Велосипедтің қауіп тудыратыны рас.Ол шешілетін нәрсе.Ал қалғаны неге көтеріліп отыр?Сол жерге ымамдар келіп қыдырсын.Дін жолында жүрген кісілер,жастар келіп қыдырсын.Үйретіп үлгі көрсетсін.Болмаса қоршап алып адам кіргізбейік.Жанында күре жол бар онымен де көлік жүргізбейік.Қасында Ана мен Бала орталығы бар.Онда аурулар да жатыр.Оны не істейміз?Мешітке келген адам рухани тазалық тыныштық іздеп келеді дегені дұрыс.Ал сол балалардың қуанышы,күлкісі үш жүз метр жердегі мешіттің ішіне естіліп мазаларын алып жатыр ма екен?

    • Анонимно says:

      Тек ақылы қызмет алынсын деп отырмыз.дұрыс түсініңіз. Əр барғаның 2000 тг кем дегенде 3 балаға. Сол ақылы қызмет керек болса парк бар

  • Алма says:

    Рухани азық алумен қатар демалатын жердің көп болғаны жақсы, темекі шексе белгіленген орында шегіп отыр

  • Жұмбақ жан says:

    Бир козгаган дурыс такырыптарын болды ау

    • Анонимно says:

      велосипедти курту керек кауыпти кишкентай балаларга

1 2

Leave a Reply

Your email address will not be published.

Орташа айырбас бағамы
23.09.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар