Қызылорда облысында Бен Ладен мен Саддам Хусейн тұрады

Қызылорда облысының Ақсуат ауылдық округінде Бен Ладен есімді оқушы тұрады. Ол биыл 15 жасқа толады.Оған неліктен мұндай ерекше ат қойғаны жайлы анасы айтып берді.

Бұл туралы newtimes.kz хабарлайды.

«2001 жылдың қыркүйек айындағы террорлық әрекет салдарынан екі мұнара қирап, билік өкілдері оған Бен Ладенді кінәлі деп санаған кезде мен осы ұлыма аяғым ауыр болатын. Алайда, менің жұбайым Бен Ладеннің кінәлі екеніне сенген жоқ. Осы қайғылы жағдайдан кейін ұлым дүниеге келді. Әкесі оны Бен Ладеннің құрметіне осылай атауды ұйғарды. Мен бастапқыда қарсы болғанмын, кейін келістім», – дейді кішкентай Бен Ладеннің анасы.

Қазір Бен Ладен 8 сыныпта оқиды. Оқу үлгерімі жақсы. Өзі спортпен айналысқанды ұнатады екен.

Ал, Қармақшы ауданында есімі ерекше тағы бір бала бар. Оның аты-жөні Саддам Хусейн.