Қытайлық жастар алғашқы неке түнін Қытай заңын көшіріп жазуға арнады

Қытайлық екі жас алғашқы неке түнін ҚХР Конституциясын көшіріп жазумен өткізген. Осылайша жаңадан отбасын құрған жастар елдегі Коммунистер партиясының идеяларын қолдайтынын, басқарушы партияға  адал екендіктерін дәлелдемек болған.

Екі жастың заңды көшіріп отырған сәтінде түскен суреті желіге жүктеле салып қоғам талқысына түскен. Бірі олардың таң атқанша осылай отырғанына сенбесе, тағы бірі өздерін жарнамалаудың басқа жолдары көп еді деген пікірлерін жазған.

15 мың иероглифтен тұратын Қытай Конституциясын қолмен жазып шығуды  осы жылдың наурызында  «Жэньминь жибао» деп аталатын партия басылымы бастаған болатын. Олардың ойынша 88 миллион партия мүшесі елдегі ең қажетті заңдарды осылайша есінде сақтап қалады деген түсінікте.

Көптеген ірі компания басшылары мен шенді шенеуніктер күнделікті екі сағат уақытын заңды қолмен көшіруге арнайды екен. Ал партия мүшелері сайлаған комиссия олардың өздері жазғанына көз жеткізу үшін арнайы тексеру жұмыстарын өткізеді.