Соңғы жаңалықтар
Соңғы жаңалықтар

Қытайға барған Тұрсынбаева түлкі тері иеленіп, ат мінгенін айтып мақтанды

Айнұр Тұрсынбаева Қытайдағы қандастарының түлкі тері сыйлап, ат мінгізгенін айтып мақтанды.

image

Фото: instagram.com/aidyn_nury/?hl=ru

Бұл туралы Stan.kz хабарлайды.

Күні кеше Айнұр Тұрсынбаева өнердегі әріптестерімен бірге Қытайға аттанған болатын. Айтыскер ақын аталған елге бара салысымен марқұм Оразәлі Досбосыновтың балаларымен кездескен. Олармен әкесі туралы түрлі естеліктерін бөліскен. Ал айтысқа қатысқан Айнұр Тұрсынбаеваға Қытайдағы қандастары түлкі терісін сыйлап, астына ат мінгізген. Мұндай сыйлық айтыскердің көңілінен шықса керек.

“Сіздер рахаттанып ұйықтайын деп жатқан шығарсыздар?! Ал біздің айтысымыз қазір ғана бітті. Тамағымызды енді ішейін деп отырған жайымыз бар. Қытайда тұратын қандастарымыз түлкіден тері тарту етіп, ат мінгізіп күтіп жатыр”, – дейді Айнұр Тұрсынбаева. Айтыскер өз қалын айтып қана қоймай, өзгелерден жаңалықтары туралы сұрады.

Желі қолданушылары оның қуанышын бөлісті. Арасында түлкі терісінің сапасын тілге тиек етіп, әжуалағандар да болды. “Сапарларың сәтті, жолдарың оң болсын!”, “Бұрынғы қазақтар ақындарды солай күткен. 2-3 күн айтыстырып, баптап, сый-сияпат беріп, бар тамақты алдыларына тосқан. Екеуіңіз де суырып салма айтыскерлерсіздер. Ойларыңыз шыңдала берсін”, “Қытай түлкісі ме?” дейді олар.


Жіберіп алмаңыз:

Айнұр Тұрсынбаева бет күтіміне қатысты пайдалы кеңестерін бөлісті

Айнұр Тұрсынбаева: Ашып айтпаса да, екінші әйел болып жүргендер көп

Айнұр Тұрсынбаева: Жар таңдауда жолым болған адаммын

Танымал әзілқой енді ешқашан Айнұр Тұрсынбаеваға пародия жасамайтынын айтты

Талқылау