Соңғы жаңалықтар
Соңғы жаңалықтар

Қытайда ерлі-зайыптылар он жылдан бергі бетон құдықта тұрып келеді

Қытайдағы Чжэнчжоу қаласында тұратын ерлі-зайыптылар күнделікті өмірдің ауыртпалығымен өздерінше күресуде. Олар пәтер жалдауға кететін ақша мен жұмысқа баратын жолақысын үнемдеу үшін мұндағы университетке тиесілі ауа желдеткіш құдықты паналауда.

20151222181654 20151222181805 20151222181802  20151222181758

Құдықта тұрғанына он жылдан аса уақыт болған отбасы барлығы 50 шаршы метр жерге орын тепкен. Олардың бұл «баспанаға» үйреніп алғаны соншалық, тіпті құдық тиесілі университет әкімшілігінің ұсынған жатақханасына да көшуден бас тартқан, деп жазады Ecns.cn.

Себебі ерлі-зайыптылардың айтуынша, құдықта барлық жағдай жасалған. Мұнда су, электр жарығы, жылу жүргізіліп, теледидар, тоңазытқыш пен кір жуу машинасы да қойылған. Айта кету керек, ерлі-зайыптылардың екеуі де осы университетте жұмыс істейді.

Отағасы желдеткіш құдықтың техникалық ахуалына жауапты болса, оның әйелі осы желдеткіш жүйені уақтылы қосып-ажыратып тұрады.  Олар осыдан біраз уақыт бұрын арзан бағамен жалға берілетін пәтер тауыпты. Бірақ, ол баспана тұрған жерден жұмысқа жету үшін жарты күн уақыт кететін болғандықтан, отбасы өздері жұмыс істейтін университет аумағындағы осы құдықта қалудан өзге амал таппаған.

Талқылау