Соңғы жаңалықтар
Соңғы жаңалықтар

Күйеуінен кетіп қалған: Тәжікстанда 26 пышақ жарақатынан көз жұмған қыздың өлімі өз-өзіне қол жұмсау деп танылды

Тәжікстанның Файзабад ауданының прокуратурасы 25 жастағы Манора Абдуфаттох тұрғынының өлімін "өзін-өзі өлтіру" деп бағалады. Қылмыстық кодекстің "Өзін-өзі өлтіру" бабы бойынша қылмыстық іс қозғалды. Бұл туралы "Азаттық" радиосының Тәжік қызметі Озоди радиосына сілтеме беріп Stan.kz ақпарат агенттігі хабарлайды.

26 пышақ жарақаты бар жас әйелдің денесі 22 маусымда жалдамалы пәтерде табылды. Қыздың туыстары сот сарапшыларының қорытындысына қарамастан Манора өзін-өзі өлтіруі мүмкін емес дейді.

Файзабад аудандық прокуратурасының дереккөзі Озоди радиосына суицид туралы қорытынды сараптама нәтижелері бойынша қабылданғанын мәлімдеді. Дереккөздің мәліметінше, әйелдің өлімі Қылмыстық кодекстің 109-бабының 1-бөлігі ("өзін-өзі өлтіру") бойынша тергелуде.

"Егер біреу оны өз-өзіне қол жұмсауға дейін жеткізгені дәлелденсе, ол осы бап бойынша жауапқа тартылады. Қазір күдіктілер бар, бірақ олардың ешқайсысына айып тағылған жоқ", – дейді.

Әйелдің өзін-өзі өлтіруі туралы қорытынды оның туыстарын есеңгіретті. 17 шілдедегі хатында олар Тәжікстанның бас прокуратурасы мен ішкі істер министрлігіне болған оқиғаны әділ тергеуге шақырды.

Манораның әкесі Абдуфаттох Мисаков қызының өзіне 26 пышақ жарақатын салғанына сенбейтінін айтты. Ол қызының өлімі дұрыс тергелмейді деп санайды. Ол қызының қайтыс болғаны туралы хабарланғаннан кейін Ресейден келіп, денені қайта тексеруді талап етті. Екі сараптама әйелдің өзін-өзі өлтіргенін көрсетті. Әкесінің айтуынша, пышақ жарақаттарының іздері көбінесе қызының мойны мен қолында байқалды.

"Адам өзіне бір-екі рет пышақ салғанда, ол күші таусылып, оны қайталамайды. Манораның қолы мен мойыны тілімделген, адам өзін-өзі бұлай азаптауы мүмкін емес. Мен болған оқиғаны тергеу үшін әртүрлі органдарға шағымдар жаздым", – деді ол.

Істі Файзабад ауданының прокуратурасы мен полиция бөлімі тергеуде. Бұл құрылымдар оқиғаға ресми түрде түсініктеме бермеген. 26 пышақ жарақатынан қайтыс болу неге өзін-өзі өлтіру деп танылғанын айтқан жоқ.



Манораның анасы Шарбану қызының өзін-өзі өлтіру туралы ешқашан айтпағанын айтады. Оның айтуынша, қызы некеде бақытты болмаған, ал күйеуі оны әрдайым талақ жасаймын деп қорқытқан.

Озоди радиосының журналистері Манораның күйеуінің туыстарымен бірнеше рет сөйлесуге тырысты, бірақ олар жауап беруден қашқан.

Оқиға Манора күйеуінің үйінен Файзабад ауданының орталығындағы шағын пәтерге көшкеннен бірнеше күн өткен соң болды. Қайғылы оқиға кезінде әйелдің үш баласы ас үйде болған. Көршілері де ешқандай дыбыс естімегендерін айтты, бірақ сол күні олар Манораның күйеуінің бірнеше туыстарының пәтерге кіргенін көрді. Олар полицияға осы адамдардың аттарын атаған.

Манора 2015 жылы Файзабад тұрғынына үйленген. Оның үш баласы болған, үлкен қызы бес жаста, кіші ұлы алты айлық.

Тәжікстанда, сарапшылардың пікірінше, әйелдердің өлімі мен өзін-өзі өлтіруі көбінесе тұрмыстық зорлық-зомбылықтан болады.

Талқылау