Құлсарыда тыр жалаңаш серуендеген Теңіздің 30 жастағы сантехнигі болып шықты
Атырау облысы Құлсары қаласында тыр жалаңаш серуендеген ер адам ұсталды. Ол Теңіздегі компаниялардың бірінің сантехнигі болып шықты, – деп хабарлайды ҚазАқпарат.
Естеріңізге сала кетсек, әлеуметтік желілерде қалада тыр жалаңаш серуендеген еркек түсіп қалған видеожазба жарияланып, көпшіліктің ашуын келтірген. Жұрт тәртіп бұзушыны тауып, жазалау керектігін айтып жатты.
«Ол – Батыс Қазақстан облысының тұрғыны. Жасы 30-да. Теңіз компанияларының бірінде сантехник болып қызмет атқарады. Ер адам көшеде тыр жалаңаш шешініп жүрген кезде мас болған. Қоғамдық тәртіп бұзушы ұсталды. ҚР «Әкімшілік құқық бұзушылықтар туралы» кодексінің 440-бабы бойынша сотқа дейінгі тергеу жұмыстары жүргізіліп жатыр. Тергеу жұмыстары аяқталғаннан кейін іс сотқа жіберіледі. Қоғамдық тәртіп бұзушыға айыппұл салуынуы немесе қамау жазасы белгіленуі мүмкін», – деп хабарлайды Атырау ІІД баспасөз қызметі.
Жіберіп алмаңыз:
Қазақстандық жүк көлігі қырғыздың жүк арбасын қалқалап қалды (видео)
Долларды 100 теңгеден сатқан жалған ақша жасаушылар ұсталған видеожазба пайда болды (видео)
Зың, дың, saebiz: сөзден де, әннен де қадір кетті…
Каспий банк бөлімшесіне қарақшылық шабуыл жасаған күдікті ұсталды