Криштиану Роналду Мадридтегі үйін таныстырды (видео)
Португалия құрамасы мен мадридтік “Реалдың” жартылай қорғаушысы Криштиану Роналду Мадрид қаласындағы өзінің үйін таныстырды. Бейнежазбада ол демалыс бөлмесін жанкүйерлеріне көрсеткен.
Бейнеролик Рождество мерекесі қарсаңында түсірілген. Дәл осы кезде “Реал” футболшылары аз күндік демалыс алған болатын. Ол бейнежазбада жатын және демалыс бөлмесін таныстырады. Сондай-ақ, музыка тыңдағанды жақсы көретінін де байқатады.
Роналду “Реал” сапына 2009 жылы ауысқалы бері, Мадрид қаласында тұрып келе жатыр. Соңғы кездері оның рекордтық қаржыға басқа клубқа сатылуы мүмкін деген ақпараттар шыққанымен, оны футболшы мен агенттері әлі ресми растамай келеді. Биылғы маусымда Роналду қарсыластар қақпасына 18 гол соғып, Испания чемпионатындағы үздік сұрмергендер көшінде тек “Барселона” шабуылшысы Луис Суареске (19) ғана есе жіберіп тұр.
Талқылау