ҚР Қаржы министрлігі Панама офшорларының тізіміндегі қазақстандықтардың аты-жөнін зерттеп жатыр
Қазақстан Республикасының Қаржы министрлігі бірқатар қазақстандықтардың аты-жөні табылған панама офшорларын зерттеп жатыр.
Бұл туралы Қаржы министрлігі Мемлекеттік кірістер комитетінің ресми өкілі Жамбыл Сұрағанов мəлім етті.
“Біз панама офшорларынан хабардармыз, жұмыс істеп жатырмыз. Қазір сараптамалық жұмыс жүргізудеміз, мəліметтер базасы сəйкестендіріліп жатыр”,- деді журналистерге Жамбыл Сұрағанов.
Естеріңізге сала кетейік, “панама офшоры” деген атышулы тізімде Қазақстандағы шенеуніктердің, бизнесмендер мен өзге де тұлғалардың аты-жөндері жарқ еткен.
ICIJ халықаралық журналистік зерттеу консорциумы 9 мамыр күні Панамадағы Mossack Fonseca заң фирмасының əлемдегі 200 мың клиенті туралы ақпаратты жария етті. Соның ішінде Қазақстанның 8 заңды тұлғасы, 265 жеке тұлғасы, 7 делдал мен 243 мекенжай бар.
Оқи отырыңыз:
Панама офшорларының тізімінен министр Сағадиевтің де аты-жөні шықты
Мессидің отбасы футболшының «офшорлық ойындарға» қатысы жоқ екенін айтты
Әлемге әйгілі тұлғалар ақшасын қайда жасырғаны белгілі болды