ҚР ІІМ: Алматыда лаңкестің бесінші құрбаны Шекара қызметінің әскери қызметшісі болды

Сейсенбі, 19 Шілде , 2016 7:10

Алматыда полиция қызметкерлеріне жасалған шабуыл кезінде ҚР ҰҚК Шекара қызметінің әскери қызметшісі, аға лейтенант қаза тапты. Бұл туралы Алматыда өткен баспасөз брифингі барысында ҚР Ішкі істер министрі, полиция генерал-лейтенанты Қалмұханбет Қасымов мәлім етті.

preview-image

Фото: kazpravda.kz

Министрдің айтуынша, қылмыскер оның автокөлігін иемденбек болған.

“Алмалы аудандық Ішкі істер басқармасынан шығып, ҰҚК Департаментіне жеткен соң, қылмыскер жол жиегіндегі полиция автомашинасын көреді. Сол арада машинадан шығады да, онда отырған полиция қызметкерлеріне оқ жаудырады. Соның салдарынан бір полиция қызметкері ауыр жарақат алып, екіншісі оқиға орнында қаза тапты. Осы сәтте ҰҚК Департаментінің кезекшісі қылмыскерге оқ ата бастайды. Атыс барысында қылмыскерді алып келген жүргізуші оқиға орнынан қашып құтылған. Ал қылмыскер әрі қарай жүгіріп, ішінде ҚР ҰҚК Шекара қызметінің әскери қызметшісі, аға лейтенантты көріп, оның машинасын тартып алуға әрекет жасайды. Мұнысынан түк шықпаған соң, шекара қызметкеріне қарсы оқ атып, оны сол жерде өлімші етіп жаралайды. Осы сәтте сол жерден өтіп бара жатқан бір азаматтық тұлғаны да жарақаттайды. Алған жарақаттан қала тұрғыны да көз жұмды”, – деді Қ. Қасымов.

Осылайша, қазіргі ресми мәлімет бойынша, қанды оқиға салдарынан 3 полиция қызметкері, 1 азаматтық тұлға, 1 шекара қызметкері қаза тауып, 6 полиция қызметкері мен 3 азаматтық тұлға жарақат алды.

Бұған дейін Алматыны қанға бояған қылмыскердің салафизм ағымымен байланысы бар екені туралы ақпарат жарық көрген еді.

Соңғы ресми деректер негізінде қаза тапқан тәртіп сақшыларының аты-жөндері жария етілді. Ал Елбасы қанды оқиғаны теракт деп атап, ішкі істер министрін шұғыл түрде Алматтыға аттандыратын болды. Ал шаһарда террорға қарсы операцияның аяқталғаны хабарланды.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

1
Комментариев
  • Марат says:

    Тыныш отырған елде бүлік шығарып оңбаған екен, құқық қорғау органдарына рахмет қылмыскерді дер кезінде қолға түсірген

Leave a Reply

Your email address will not be published.

Орташа айырбас бағамы
23.05.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар