Қостанайлық дәрігерлер қыздың ішінен бір уыс шаш шығарып алды
Қостанай облысының хирургтары 16 жастағы қыздың асқазанынан бір уыс шашты шығарып алды.
Бұл туралы alau.kz хабарлады.
Дәрігерлердің айтуынша, 16 жастағы қыз жыл басында өзін жайсыз сезіп, асқазанының ауыратынын айтқан.
«Бойжеткен құсып, ақырында біздің ауруханаға түсті. Қызды тексеріп, ФГДС жасадық. Сол кезде-ақ қыздың ішінде артық зат бар екені анықталды», – деді балалар ауруханасы бас дәрігерінің міндетін атқарушы Игорь Белобржицкий.
Хирургтың сөзіне қарағанда, ата-анасы перзентінің шаш жұтқанын бала кезінде байқай алады, ал ересек жастағы баладан мұны аңғару қиын.
“Баласы сұйық тағам ішпей қойса да, ата-анасы уайымдай бастайды. Себебі асқазан-ішек жолдарынан астың өтуі қиындайды. Бұл жағдайда қыздың ішінде шаш көп болғандықтан, оны өңеш арқылы алу мүмкін болмады. Сол себепті операция жасауға тура келді», – деп атап өтті дәрігер.
Жіберіп алмаңыз:
Құрбан Айт-2017: мұсылман мейрамы қашан және қайда тойланады?
Тарихи сәт: Астанада ЭКСПО-2017 көрмесінің ашылуы қалай өтті? (видео)
Оралда командирдің бұйрығын орындамаған үш сарбаз тұтқынға алынды
Қостанай тұрғыны қанатына оқ тиіп жараланған аққуды құтқарып қалды