Павлодарда қоқыстан табылған нәресте сәбилер үйіне тапсырылды

Павлодарда қоқыс арасынан табылған сәби облыстық перинаталдық орталығынан сәбилер үйіне ауыстырылды, деп хабарлайды «ҚазАқпарат».

«Нәрестені Павлодар облыстық сәбилер үйіне ауыстырды. Оның жағдайы жақсы, денсаулығы да жақсарды. Олай болмағанда, біздің орталықта қалушы еді», – деп хабарлады Павлодар облыстық перинаталдық орталығының бас дәрігері Айман Оспанова.

Оның айтуынша, нәрестеге заңды есім мен тек беру үдерісі сәбилер үйінде жүргізіледі. «Оның биологиялық анасының тағдыры бізге беймәлім», – деді Оспанова.

Бұған дейін хабарлағанымыздай, Павлодар қаласындағы қоқыс жәшігінен жаңа туған нәресте табылған еді.

Тағы да оқыңыз:

Атырауда «салафиттер» автобус жүргізушілерінен ақша бопсалап келген

ОҚО тұрғыны әйелі «Иегова куәгерлері» ағымына кірген соң ажырасып кеткен

Талдықорғанда парамен ұсталған “Қазводхоз” филиалының директоры терезеден секіріп өлді