Көкшетауда 6 айлық сәбиін әбден жүдетіп әлсіреткен әйел ата-ана құқығынан айырылды
Өзінің сәбиін әбден жүдеткен Көкшетау тұрғыны жарты жылға ата-ана құқығынан айырылды. Бұл туралы қалалық қамқорлық орталығы хабарлады.
Фото: chto-proishodit.ru
Денсаулық сақтау басқармасының хабарлауынша, 6 маусым күні облыстық балалар ауруханасына алты айлық сәби түскен. Нәрестеге “3 деңгейдегі белоктық-энергетикалық әлсіреу” диагнозы қойылған.
“Баланың бар салмағы 3857 грамм болды, денеде май қабаты жоқ десе де болады. Бұған дейін де бұл бала арықтап ауруханаға түскен, бірақ тамақтандырғаннан соң анасы алып кеткен”, – деп хабарлады ведомства.
Көкшетау қамқорлық агенттігінің хабарлауынша, бала аз қамтылған отбасыға тиесілі екен. Анасына бұған дейін де бірнеше рет жауапкершілік туралы ескертілген.
“Әділет сотының шешімімен баланың анасы жарты жылға дейін ата-ана құқығынан айырылды. Ол осы уақыт ішінде түзелуі тиіс. Әзірге емшектегі сәби аурухана”, – деп хабарлады орталық.
Сонымен қатар, құқығынан айырылған әйелдің төрт баласы бар екен. Әзірге олардың барлығы әлеуметтік қызмет баспанасында.