Көкшетау қалалық ішкі істер басқармасының кезекшілік бөліміне «Сұңқар» мөлтек ауданында орналасқан үйдің тұрғыны хабарласты. Әйел балконнан қан байқап қалғанын хабарлаған. Оқиға орнына полиция инспекторлары жөнелтілді. Олар аталған аймаққа қызмет көрсететін – полицияның жоғары лейтенанттары Саят Әубәкіров пен Әлихан Қожанов.

Тұрғын үйге келіп жеткен полицейлер алдымен қанды, одан кейін балконда қансырап жатқан жас жігітті көреді. Жігіт тамырын кескен, ол аздай асылып қалмақшы болған.

Полицейлердің бірі жігіттің жүрегінің соғып тұрғанын байқап қалып, оны «дардан» түсіріп алған. Жігітке алғашқы медициналық көмек көрсетіп, жедел жәрдем шақыртқан.

Кейіннен пәтерден жас жігіттің сүйген қызына жазған хаты табылды. Қазіргі уақытта 21 жастағы жігіт ауруханада жатыр, оның өміріне еш қауіп төніп тұрған жоқ.

«Уақытында үлгергенімізге қуаныштымын. Енді ол жігіттің өмірінде барлығының түзелетініне сенімдімін», – деді полицияның жоғары лейтенанты Саят Әубәкіров.

Оқи отырыңыз:

Қарағандыда көрші пәтерде тұтанған өрттен 3 адам мерт болды

Степногорда зейнеткер әжей үшінші қабаттан секіріп кетті

Маңғыстау облысында белгісіз бір топ қарулы адам бүтіндей бір отбасына оқ жаудырған

Басындағы битті керосинмен улаған оқушы жансақтау бөлімінен бір-ақ шықты

Алматыда автобусты соққан Гелендваген жүргізушісі жұрттан кешірім сұрады

Талқылау