Көкшетау көлінің үстінде белгісіз ұшатын аппарат қимылсыз қалықтап тұрған (видео)
Ғаламторда таң қаларлық көрініс жарияланды. Көкшетауда көлдің үстінде белгісіз объект ұшып тұрған.
Бұл туралы Экспресс К жазған.
Облыс орталығының тұрғыны желіге ұялы телефоннан түсірілген қызықты видео жариялады. 4 тамыз күні Көкшетаудағы Қопа көлінің үстінде ұшатын аппараттың қимылсыз тұрып қалғандығын көруге болады. YouTube видеохостингінің қолданушысының жазбасына сүйенсек, қаратүстес зат жарық бөлген. Ең қызығы, құрылғы құдды бір ақшам намазын тыңдап тұрғандай көрінген. Бұл уақытта орталық мешіттен азаншының даусы қатты естіліп тұрған екен.
Ғаламтордан Көкшетауда орын алған мұндай жағдайлардың бірнешеуін кездестіруге болады. «Казаэронавигацияның» Ақмоладағы филиалы кешкі уақытта жұмыс істемейтіндерін хабарлады. Алайда әуе экипаждары мен диспетчерлері бұрыннан бері осыған ұқсас объекттерді кезіктерген екен. Тіпті олардың ұшу биіктігі мен бағыттары да анықталған. Алайда олар радиолокациялық құрылғыларға көрінбеген.
Нұржан Баймулдин
Жіберіп алмаңыз:
Уфологтар ШҚО-дағы Сібе көліне өзге планеталықтардың жиі келетінін айтады
Арқалық тұрғыны өз көзімен көрген өзге планеталық жайлы оқиғаны баяндап берді
Астрономдар жат планеталықтардың өз планеталарын қалай жасыратынын түсіндірді