Соңғы ЖАҢАЛЫҚТАР
БАРЛЫҚ ЖАҢАЛЫҚТАР

Кімнің жеңгенін айтқым келмейді: Головкин “Канелодан” жеңілісіне қатысты пікір білдірді

Орта салмақ дәрежесіндегі әлем чемпионы атағынан айырылған қазақстандық боксшы Геннадий Головкин мексикалық Сауль Альвареспен қарымта кездесудегі жеңілісіне қатысты пікір білдірді.

Геннадий Головкин

Сурет: HBO Boxing

Бұл туралы Vesti.kz басылымына сілтеме жасап Stan.kz хабарлайды.

«Жекпе-жекте кімнің жеңіске жеткенін айтқым келмейді. Себебі төрешілердің шешімі бойынша жеңіс «Канелоға» тиесілі. Менің ойымша, бұл жанкүйерлер үшін тамаша жекпе-жек болды. Мен оған (ред. “Канело”) қарағанда әлдеқайда жақсы жұдырықтасамын деп ойладым», – дейді Головкин.

Сонымен қатар Геннадий Головкин «Канеломен» үшінші жекпе-жек өткізу туралы көзқарасы туралы сұраққа жауап берді.

«Шарттары дұрыс болған жағдайда – иә», – дейді қазақстандық боксшы.

Өз кезегінде Альварес те қазақстандық қарсыласымен тағы бір жекпе-жек өткізуге дайын екенін мәлімдеді. Сондай-ақ, ол екінші жекпе-жекте таза жеңіске жеткенін және әзірге жеңісінен ләззат алғысы келетінін айтты.

Айта кетсек, бүгін, 16 қыркүйекте, Лас-Вегастегі T-Mobile Arena-да 12 раундқа жоспарланған Головкин-“Канело” жекпе-жегі толық өтті. Кездесуде кімнің жеңіске жеткенін төрешілер шешіп, ұпай саны бойынша жеңісті Сауль Альвареске берді (115-113, 115-113, 114-114). Осылайша, отандасымыз  Геннадий Головкин спорттық мансабында алғаш рет жеңіліс тауып, орта салмақ дәрежесіндегі WBA Super, WBC және IBO нұсқалары бойынша чемпиондық белбеулерінен айырылды.

Stan.kz сайтын Telegram арқылы оқыңыз. Арнамызға жазылыңыз.

Çàãðóçêà...
Қазір оқып жатыр