Христиан жігіті діндестерінің қарсылығына қарамастан мешіт қабырғаларына Құран аяттарын жазумен айналысады

Сейсенбі, 19 Қаңтар , 2016 8:04

Христиан дінін ұстанатын мысырлық Фаиз Юсеф өзінің суретшілік талантын мешіт қабырғаларын Құран аяттарымен безендіруге жұмсап келеді.

жазу

Бұл туралы muslim.kz сайты хабарлайды.

Оның бұл жұмысына діндестері наразылық танытқанымен, Юсеф бұл жұмысынан бас тартпайтынын айтады. Мұсылман достары мен көршілерінің көзіндегі қуаныш оты мен күлімсіреген жүздері мені бақытты ете түседі, дейді ол.

Ол каллиграфия өнерімен әскерде жүрген кезінде танысқан көрінеді. Әскери борышын өтеуге барған ол құжаттар дайындайтын арнайы бөлімше қатарына қабылданады. Осы жерде ол араб каллиграфиясының көптеген түрлерімен танысып, өзін жетілдіре түседі. Әскерден оралғасын ол осы салада жұмыс істей бастайды. Әрине, діндестерімнің тарапымнан әлі күнге дейін қарсылықтар кездесіп жатады, дейді ол.

«Бірде Ислам дінін ұстанатын досым жаңа салынған мешіт қабырғасына Алла Тағаланың 99 есімін жазып беруімді өтінді. Мен бұған басқа мұсылмандардың қалай қарайтынын ойлап уайымдадым. Дегенмен, досым мені көндірді, – деп еске алады ол өзінің алғашқы мешіт безендіру жұмысын. – Осылайша, мен ең бірінші рет Сеиф Наср мешітінің сыртына Алланың 99 есімін жазып шықтым. Мен мешіт әдебінің барлығын сақтадым. Аяқ киімімді шешіп кірдім. Қатты сөйлемеуге тырыстым. Мешітке құрмет көрсетуіміз керек! Өйткені, ол – Алланың үйі».

Ол өз жұмысын аяқтап болғасын ешқандай ақы сұрамағанын айтады. «Алайда, мешіттің іс басқарушысы маған ақы төлеуге тиісті екенін айтып тұрып алды. Мен келістім. Бірақ қанша төлейтіндері, тіпті, қызықтырмады. Сол сәтте мен алғаш рет мешітті безендіргенім үшін өзімді ерекше бақытты сезініп тұрған едім», – дейді Юсеф.

Содан бері ол 15 құлшылық ордасын безендірген екен. Жамағат жинаған ақшаға салынған мешітті тегін көркемдеп беремін, ал мемлекеттік қаржыға салынған құлшылық ордаларын безендіргенім үшін қанша берсе, сонша аламын дейді.

 

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
27.03.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар