Халықаралық ауыр атлетика федерациясы Қазақстан құрамасын бір жылға жарыстардан шеттетті
Халықаралық ауыр атлетика федерациясы Тбилисиде өткен жиын кезінде Қазақстан құрамасын халықаралық жарыстардан бір жылға шеттету туралы шешім қабылдады.
Сурет forum-eurasica.ru
Бұл туралы vesti.kz хабарлайды.
Бұл шеттетудің басты себебі допинг дауы. Осы арқылы федерация олимпиада ойындарына тек “таза” спортшылардың қатысуын қамтамасыз етпек. Қазақстандық ауыр атлеттердің 2008 және 2012 жылғы олимпиада ойындары кезіндегі допинг сынамаларының оң нәтиже беруі осындай шешімнің қабылдануына әсер етіп отыр.
Сондай-ақ, Қазақстан құрамасымен бірге Ресей және Белорусия құрамалары да осындай жазаға кесілді. Халықаралық федерация 2012 жылғы олимпиадаға қатысып, допинг табылған спортшылардың аттарын да атады. Олардың арасында біздің олимпиада чемпиондары да бар. Осылайша Илья Ильин, Мая Манезв, Светлана Подобедова, Зульфия Чиншанлолардың сайыстарға қатысу құқықтары шектелді.
Қазақстан ауыр атлетика федерациясы спортшылар үшін соңына дейін күресуге уәде берді. Илья Ильин де қайта шағым түсірмек.
Оқи отырыңыздар:
Халықаралық ауыр атлетика федерациясы Қазақстан құрамасын екі Олимпиада жолдамасынан айырды
Седов: Енді бізде ауыр атлетикадан олимпиада чемпионы жоқ
Илья: Спорттық бәсекеде тоқтата алмағандар, осылайша тосқауыл болғысы келеді