“Кері байланысты күтемін”: Астана әкімінің жаңа орынбасары елорданың тұрғындарына жеке нөмірін берді

Арман Тұрлыбек он күн бұрын, яғни 14 ақпанда Астана әкімінің орынбасары болып бекітілді. Бүгін ол қала тұрғындарына өзінің жеке нөмірін берді, деп хабарлайды Stan.kz

“Құрметті тұрғындар, достар! Менің телефонымның нөмірі бұрынғыдай қалды және сіздерден кері байланыс күтемін. Қала әкімі Bakhyt Sultanov елорданың әрбір тұрғынының өтінішін тыңдау туралы нақты міндет қойды.

Сондықтан энергетика, жылумен қамту, сумен қамту, санитарлық тазалау, автомобиль жолдары, жарықтандыру, көгалдандыру қызметіне және Астана қаласының коммуналдық шаруашылық қызметіне қатысты сұрақтарыңыз немесе ұсыныстарыңыз болса, WhatsApp-қа жазыңыздар. Телефон кітапшаларында менің нөмірім жоқ тұрғындар үшін қайтадан жариялаймын, +77019110600”, — деп жазды ол Facebook желісіндегі парақшасында.

Тұрлыбек ауданның әкімі ретінде жұмыс істеп жүргенде қала тұрғындарын кері байланысқа шақырып, өз нөмірін жариялаған болатын. Арман Тұрлыбек “Сарыарқа” ауданында әкім болғанда өзінің қарапайымдылығымен, әлеуметтік желілердегі белсенділігімен танылған.

 

Stan.kz сайтын Telegram арқылы оқыңыз. Арнамызға жазылыңыз.

Çàãðóçêà...
Қазір оқып жатыр