Келіншек салмағы 6 кг сәбиін аман-есен босанғанына қуанып жүр
«Олар менің ішімнен салмағы 6 кг шақалақты алып шықты!» деп қуанып жүр флоридалық ана. Туыстары Крисси Корбиттің ішіне қарап, егіз бала туатын шығар деп күткен екен. Алайда келіншек бір қызды ғана дүниеге әкелген.
Бұл туралы The Daily Mail басылымы хабарлайды.
Крисси сәбиін аман-есен босанғанына қуанып, оған қажетті киім-кешектерді алып қойған. «Дәрігер оны ішімнен алып шығып жатқан кезде, күлгендерін естідім. Олар оны бірден өлшеп көрген екен. Салмағының 6 кг екеніне мен сене алмай жүрмін», – дейді ол.
Келіншек ағымдағы жылдың 15 мамырында дүниеге төртінші баласын алып келді. Ол сәбиімен естелік суретке түсу үшін арнайы фотограф Деббаю Бенсонды жалдаған екен.
«Шыны керек, егіз бала дүниеге келетін шығар деп күттім. Дәрігерлер «Құдай сақтасын. Мына сәбидің салмағы шамамен 7 кг шығар» деп айқайлап жатты. Шақалақтың үлкендігіне қайран қалдым. Өзінің беті томпақ, сондай тәтті еді. Әйелім осы күнге дейін көптеген қиындықты басынан өткерді. Оны нағыз сарбаз дей берсеңіздер болады», – дейді келіншектің күйеуі Ларри.
Келіншек мерзімінен бұрын босанған. Дәлірек айтсақ, бір апта бұрын босанған. Жүкті болмай тұрып Крисси асүйдегі отқа күйіп қалып, төсек тартып жатқан. Сол кезде оның денесінің 27℅-ын күйік шалған екен.
Жіберіп алмаңыз:
Гималайда жүрген қар барысы тіп-тік құз басынан құлап кетті (видео)
АҚШ-та әйел бейтаныс балақайды құтқару үшін көліктің астына түсті (видео)
Ұяты бар ұры екі қолын көлікпен басып өтуді жалынып сұрады (видео)