«Қазпошта» қызметкері тұрғындардың зейнетақысын қолды еткен

Алматы облысындағы №2 Алакөл аудандық сотында «Қазпошта» АҚ пошта бөлімшесінің Алакөл аудандық торабының Қабанбай ауылындағы пошта байланысы бөлімшесінің бұрынғы басшысы Н.Трушкинаға қатысты іс қаралды.

ҚР Жоғарғы сотынан хабарлағандай, пошта байланысы бөлімшесінің бастығы болып жұмыс істеген кезінде Н.Трушкина Қабанбай ауылының тұрғынының жалпы сомасы 1 139 900 теңге көлеміндегі зейнетақысын заңсыз иемденіп алған.

Сот Н.Трушкинаны ҚР ҚК 189 бабының 1 бөлімінің 3 тармағы бойынша кінәлі деп танып, оған мүлкін тәркілеумен 4,6 жылға жалпы режімдегі колонияда жазасын өтеу үкімін кесті.

Сот үкімі заңды күшіне енген жоқ.