Қазақстанның тумасы Mrs.Asia Hollywood Queen-2016 титулын жеңіп алды (фото)
Қазақстандық Жанна Стинсон (Досмұхамедова) 28 мамыр күні АҚШ-та өткен сайыста Mrs.Asia Hollywood Queen-2016 титулын жеңіп алды.
Фото: tumba.kz
Бұл туралы TengriNews хабарлайды.
Жанна Стинсон дәл мұндай сұлулық байқауына өмірінде екінші рет қатысып отыр. Ол аталған байқауға қатысу тіпті ойында болмағанын айтады.
“Ms.&Mrs.Asia USA байқауына бірінші рет 2014 жылы қатысып, екінші орынды иемденген болатынмын. Алғашқы бестікке кірген қатысушыларды түрлі байқауға қатысуға шақырады. Менде құштарлық та, уақыт та жоқ болғандықтан, әдетте бас тартамын. Бұл жолы да солай болды. Бастапқыда бас тарттым, артынша достарым мен әріптестерім қатысуға көндірді. Құдды уақыт кері жылжып, өзімді 20 жастағы бойжеткендей сезіндім”, – дейді ол.
Жанна Ақтау қаласында туып өскен. 16 жасында АҚШ-қа көшіп барып, дәл қазір Калифорния штатында тұрып жатыр. Тұрмысқа шыққан, 15 жастағы ұлы бар.
Бос уақытында өзінің Калифорнияның әртүрлі аймағында көрсетілетін On the Planet of Culture with Shanna атты бағдарламасын жүргізеді. Аталған бағдарламада әлем халықтарының мәдениеті мен тарихы туралы баяндайды.
Жіберіп алмаңыздар:
Атырауда әйелдер абақтысында сұлулар байқауы өтті (фото)
“Қазақ аруы” байқауынан кейін бағы жанған сұлулар
Регина Вандышева “Әлем аруының” спорт байқауында өнер көрсетті
Сұлулар және волейбол: Сәбина Алтынбекованың орыс бәсекелесі (фото)