Қазақстанның 8 облысында ауа райына қатысты ескерту жарияланды
Синоптиктер алдағы күндерге арналған ауа райы болжамын ұсынды. Мамандар еліміздің басым бөлігіне ескерту жариялады.
29 қарашада Ақмола облысында жауын, қар жауады. Жел соғып, жер беті көктайғақтанады. Жылдамдығы 15-20 м/с, екпіні 25 м/с болатын дауыл соғады. 30 қараша күні күндіз 25 градусқа дейін суық болады. Елордада қар жауады, көктайғақ болады.
БҚО-да күндіз 10-15 градус, кей жерде 18 градус суық болады.
Павлодар облысында түнде 25 градустық аяз, күндіз 15-20 суық болады. Бұл өңірде де жел соғып, көктайғақтанады.
Қарағанды облысында күн қарлы болады. Күн суып, аяз 23-28 градусқа дейін жетеді. ШҚО-да күн жауын-шашынды, дауылды болады. Бұл аймақта да 23-28 градустық суық басталады.
Ақтөбе облысының 18 м/с екпіндегі жел соғады. Мұнда да бұрқасын мен көктайғақ болады. Маңғыстау облысында күн тұманданады.
Stan.kz сайтын Telegram арқылы оқыңыз. Арнамызға жазылыңыз.