Қазақстандық спортшылар Олимпиада ойындарындағы төмен нәтиже үшін кешірім сұрады

Жексенбі, 11 Ақпан , 2018 14:40

Пхенчхан олимпиадасы Қазақстан құрамасының спортшылары үшін сәтсіз басталды. Қазақстандық спортшылар Олимпиада ойындарындағы төмен нәтиже үшін кешірім сұрады.

Бұл туралы «Азаттық» радиосы хабарлайды.

Олимпиаданың алғашқы күні қазақстандық жанкүйерлер шорт-трекшілер мен биатлоншылардан үміт күткен. Пхенчханға келген қазақстандық шенеуніктер мен жанкүйерлердің біразы кешкісін Алпенсия биатлон орталығына барды. Әйелдер арасындағы 7,5 километрлік спринт жарысында Азия ойындарының төрт дүркін чемпионы Галина Вишневскаядан “жақсы нәтиже, сәттілік болса медаль күткен”. Дәл жарыс күні, яғни қаңтардың 10-ы күні Вишневская 24 жасқа толды.

Вишневская спринттік жарыста бірінші ату кезеңінде бес нысананың екеуіне тигізе алмай екі айып айналымын жүгіріп біраз уақыт жоғалтып алды. Ал екінші ату кезеңінде бес нысананың барлығына дәл тигізді. Бірақ алғашқы екі қателіктің кесірінен ол спринттік жарысты тек 30-нәтижемен аяқтады. Вишневская осы қашықтықта чемпион болған германиялық Лаура Далмайерден 1 минут 46 секундқа қалып қойды.

«Бапкерім таңертең туған күніммен құттықтап раушан гүлін сыйлады. Таңнан бері қазақстандықтар, жанкүйерлер құттықтап жатыр. Алғысым шексіз. Бүгінгі сәтсіздік үшін жанкүйерлерден кешірім сұраймын. Барымды салдым. Аяғым, шаңғым жақсы жүрді. Бірақ ату кезеңіндегі екі қателік көп нәрсені шешті. Жел қатты болды әрі қатты толқып, жинала алмадым. Алдағы жарыста толғанысымды жеңіп, үздік нәтижемді көрсетуге тырысамын», – деді Вишневская жарыстан кейін.

Галина Вишневская спринтте 30-орын алған спортшы ретінде алдағы із қуу жарысында сөреден кешігіп, 30-болып шығады.

Спринттік жарысқа қатысқан қазақстандық биатлоншылар Дарья Климина, Ольга Полторанина, Алина Райкова елулікке ене алған жоқ. Үшеуі де ату кезінде екі-үш қате жіберді.

Шорт-тректен Қазақстан құрамасының мүшесі Нұрберген Жұмағазиев 1500 метрлік жарыстың финалына шыға алмады. Іріктеу сынында өз тобында екінші келе жатқан Жұмағазиев мәреге екі-үш айналым қалғанда мұзға шалынып құлап, жарысты ерте аяқтады.

«Біз мұзға соңғы топ болып шықтық. Алдымызда жарысқан топтардың біріндегі спортшы мұзды конькиімен бүлдіріп кетсе керек. Дәл сол мұзға шалынып құладым. Алда 500, 1000 метрде жекелей және 5000 метрде эстафета бар. Сол қашықтықтарда барымды саламын. Қолдау көрсеткен жанкүйерлерге рахмет. Бүгінгі сәтсіздік үшін кешірім сұраймын. Бұл – спорт. Спортта бәрі болады», – деді ол жарыстан кейін.

Осы қашықтықта сынға түскен тағы бір қазақстандық Денис Никиша да финалға өте алмады. Ол да алдағы жарыс күндері “барын салмақ”.

«1500 метр менің қашықтығым емес. Спринтермін, яғни қысқа қашықтыққа жүгірген ыңғайлы. 1500 метрге шығып, мұзды сезінгім келді. Бар мүмкіндігімді алдағы 500 метрге саламын», – деді Никиша жарыстан кейін.

Қазақстан спортының тарихында шана спортынан олимпиадаға алғаш рет қатысып жатқан 19 жастағы Никита Копыренко де іріктеуде төмен нәтиже көрсетіп, финалға шыға алмады.

Айта кетеск, Пхенчхандағы Қысқы олимпиада 25 ақпанда аяқталады. Бұл жарысқа Қазақстаннан 46 спортшы қатысып жатыр.

Оқи отырыңыз:

Олимпиада жарыстарының кестесіне өзгерістер енгізілді

Арыстанбек Мұхамедиұлы Пхенчхан-2018 Олимпиадасында қазақстандық спортшыларды қолдауға келді

Жақсыбеков Қазақстан футбол федерациясының президенті лауазымына қайта тағайындалды

Пхенчхан-2018 Олимпиадасында қазақстандық спортшылардың өнер көрсету кестесі

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

Орташа айырбас бағамы
23.02.18
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар