Қазақстандық фристайлшы Юлия Галышева әлем чемпионы атанды

Қазақстандық Юлия Галышева фристайл мен сноубордтан әлем чемпионатында алтын жүлдеге ие болды.

Сурет: Vesti.kz/Камиля Омарова

Бұл туралы Vesti.kz спорттық порталына сілтеме жасап Stan.kz хабарлайды.

АҚШ-тағы Парк-Ситиде өткен додада Галышева үздік үштіктің қатарында болды. Ал негізгі финалда қазақстандық команданың лидері оқ бойы озып, тіпті 2018 жылғы Олимпиада чемпионы франциялық Перрин Лаффонды шаң қаптырды.

Галышеваға 79,14 ұпай беріліп, жеңімпаз атанды. Екінші орынды Аустралиядан келген Этони Джакара (78,99 ұпай), үшінші орынды франциялық Лаффон (78,70 ұпай) еншіледі.

Stan.kz сайтын Telegram арқылы оқыңыз. Арнамызға жазылыңыз.