Қазақстандық бойжеткен әлемдегі ең сұлу он арудың бірі атанды (фото)
Қазақстандық Зарина Загидуллина “Ғаламшардың кербез аруы – 2016” титулын жеңіп алып, Батуми қаласында мәресіне жеткен “Ғаламшар аруы және сұлтаны – 2016” байқауындағы сұлу қыздардың үздік ондығына кірді.
Бұл туралы Экспресс К басылымы хабарлайды.
Түркістанда туған Зарина Загидуллина мектепті Қазақстанда аяқтаған. Қазір ол Қазан қаласында білім алып, тұрып жатыр.
Қызда татар ұлтының да қаны бар. Ол әлемді шарлап сұлулық сайыстарына қатысса да, басты назарды білімге аударады.
Қазіргі таңда ол институттың “Банк ісі” факультетінде экономикалық және қаржылық басқару саласын үйреніп жатыр. Ресей үкіметінің стипендиясына да ие.
Зарина жақында ғана Татарсанның спорт және жастар ісі министрлігінің “кадрлық резерв” жобасы бойынша ең жас әрі белсенді түлек ретінде сертификат алды. Ресми сайтта біздің отандасымыздың Татарстан мен Қазақстанның жастар ұйымдарында 11-ге жуық басқарушылық қызметте екені көрсетілген.
Светлана Абдрашитова
Зарина мектепте де үздік, белсенді оқушы болған. Ол үнемі дарынды балалар олимпиадасына қатысқан. Тіпті президент Нұрсұлтан Назарбаевпен де кездесудің сәті түскен.
Оқи отырыңыздар:
Әлем аруы атанған супермодель ислам дінін қабылдады (фото)
“Мисс Алматы-2016” байқауының финалистері таныстырылды (фото)