Қазақстандық боксшы Лас-Вегастегі зәулім үйін 4,75 миллион долларға сатпақ (видео)

Қазақстандық боксшы Бейбіт Шүменов АҚШ-тағы жылжымайтын мүлкін сатуға ниетті. Ол Лас-Вегастегі зәулім үйін 4,75 миллион долларға сатпақ, деп хабарлайды Stan.kz.

LasVegasNow.com түсіру тобы зәулім үйдің ішінде болып, түсірілім жүргізген. Үш қабатты үйді жылжымайтын мүлік бойынша риэлтор Шеннон Смит таныстырды.

Спортшының үш қабатты үйі және аумағы 1,5 мың шаршы метр болатын жері 4,75 миллион долларға (1 млрд 780 млн теңгеден аса) бағаланып отыр. 

Зәулі үйдің аумағы 880 шаршы метр болады. Ондағы бөлмелердің үлкендігі сондай, тіпті танымал «алып»-баскетболшы Шакил О"Нил оның жанында өзін кішкентай сезінетін болады, дейді риелтор Шеннон Смит.

Үйде 6 жатын бөлме, 9 жуынатын бөлме, кинотеатр, шарап жерқоймасы, тіпті, лифт бар. 

Қазақстандық боксшы Бейбіт Шүменов – WBA нұсқасы бойынша бірінші ауыр салмақтағы әлемнің «тұрақты» чемпионы. Оның соңғы жекпе-жегі 2018 жылдың шілде айында өтті. Ол кезде боксшы Хизни Алтункаяны жеңген еді.

Stan.kz сайтын Telegram арқылы оқыңыз. Арнамызға жазылыңыз.