Қазақстанда 15 қаңтардан бастап ақылы ҰБТ өтеді
Білім және ғылым министрлігі Бірыңғай ұлттық тестілеудің ақылы түрі 15-20 қаңтар аралығында өтетінін мәлімдеді.
ҰБТ жылына төрт мәрте өткізіледі. Келесі ақылы тест наурыз айында жүреді. Бұл туралы Қазақстанның премьер-министрінің сайтында хабарланды.
Қысқы және көктемгі тестілеуден бөлек министрлік тағы екі тестілеу жүргізді. Оның құны – 2242 теңге болмақ.
Министрлік атап өткендей, қаңтар, наурыз, тамыз айында тапсырған тестілеу ақылы оқуға түсуге мүмкіндік береді. Бірақ бұл грантқа үміткер бола алмайды деген сөз емес. Егер талапкер маусым айындағы тестілеуден өтсе, грант бөліміне тапсыра алады.
“Мемлекеттік білім гранттарына үміткер талапкерлер міндетті ҰБТ тапсырады. Ол 2019 жылдың шілде-маусым айларында өтеді. Құжат тапсыру үшін Ұлттық тестілеу орталығының ҰБТ өтетін пункіне мекен-жай бойынша хабарласу керек”, – дейді министрлікте.
Биылғы тест тапсыру форматы өзгертілмейді. 3 міндетті пән – Қазақстан тарихы, математика, оқу сауаттылығы және 2 профильді пән.
ҰБТ 2019 жылы 16-рет өтейін деп жатыр. Былтырғы жылы тестілеуге түлектердің 80%-ы қатысқан болатын.
Stan.kz сайтын Telegram арқылы оқыңыз. Арнамызға жазылыңыз.