Қазақстандағы кіндік қызын үш жыл бойы зорлап келген ресейлік педофилге қатысты үкім шықты

3 жыл бойы Қазақстандағы кіндік қызын зорлап келген ресейлік Дмитрий Кривыйға қатысты сот ісі аяқталды. Ресей педофилді 18 жылға бас бостандығынан айырып, қатаң режимді колонияда жазасын өтеуге үкім шығарды.

Бұл туралы express-k.kz хабарлайды.

2007 жылдың аяғында ресейлік азамат Люда есімді кіндік қызын өз қамқорлығына алып, еліне әкеткен.

Кішкентай қыз 2007 жылы ата-анасынан айырылып қалған. Туыстарының ешқайсысы қызды қолдарына алғысы келмеген. Сол кезде Новосибирсктен келген кіндік әкесі қыздың құжаттарын рәсімдеп, оны заңды түрде асырап алған.

Тексеру барысында, 2009 жылдың тамыз айынан бастап, 2013 жылдары аралығында қыздың 20 рет зорланғаны анықталған. Бұл туралы Новосибирск облысының прокуратурасында хабарлады.

Педофил 2013 жылы ұсталған. 2014 жылы оған 9 жылға бас бостандығынан айыру туралы үкім шығарған. Алайда облыс прокуратурасы бұған қарсылық білдіріп, Ресей Жоғарғы сотының талабы бойынша, іс қайтадан тергеуге жіберілген болатын.

Ресейдің құқық қорғау органының қызметкерлері қылмыстық істің нүктесін қойып, қылмыскерді 18 жылға бас бостандығынан айырып, қатаң режимді колонияда жазасын өтеуге үкім шығарды.