Қазақстанда жақын күндері аяз 33 градусқа дейін күшеймек

16-18 ақпан аралығында елімізде күн қайта суытып, аяз күшейеді. Бұл туралы “Қазгидромет” хабарлады.

Сурет newskaz.ru сайтынан алынды

Әсіресе, батыс облыстар да қар қалың түсуі мүмкін. Солтүстік, орталық, шығыс аймақтарда ауа температурасы 33 градусқа дейін төмендеуі мүмкін.

“Қазақстандағы ауа-райын анықтаушы антициклон, циклонның ығыстыруымен Алтайға, Ресейдің Еуропалық оңтүстік-шығыс аумақтарына кетуде. Циклонның келуімен, Еліміздің батыс және солтүстік-батыс облыстарында бұлтты, жауын-шашынды, кей жерлерде бұрқасын, 15-25м/с  жел мен көктайғақ күтіледі”, – делінген хабарламада.

Қазақстанның басқа аумақтарының көбінде жауын-шашын түспейді. Сонымен қатар солтүстік, орталық және шығыс облыстардың кей жерлеріндегі көріну қашықтығы 500м тұман, 28-33º суық болу қаупі сақталады.