Қазақстанда алғашқы әдеп уәкілі Оңтүстікте тағайындалды

Облыс әкімінің төрағалығымен мемлекеттік қызмет істері департаментімен бірлескен «Жаңа кәсіби стандарт» тақырыбында дөңгелек үстел өтті.

Бұл туралы Отырар арнасы хабарлайды.

Осы жиында әкімдіктің әдеп жөніндегі уәкілі болып облыс әкімінің аппараты басшысының орынбасары Әсет Байсынов тағайындалды. Бұл туралы облыс әкімінің баспасөз қызметі хабарлайды.

Айта кету керек, әдеп жөніндегі уәкіл Қазақстан бойынша алғаш рет Оңтүстікте тағайындалып отыр. Енді әдеп жөніндегі уәкіл қызметтік әдеп нормаларының сақталуын қадағалап, мемлекеттік қызмет, сыбайлас жемқорлыққа қарсы іс-қимыл туралы заңнама мен мемлекеттік қызметшілерінің әдеп кодексін бұзуының алдын алу мен айналысатын болады. Мемлекеттік қызметшілер мен азаматтарға кеңес береді.

Қазіргі таңда Оңтүстік Қазақстан облысы әкімі аппаратында 103 мемлекеттік қызметші жұмыс істесе, облыс бойынша 8 217 мемлекеттік қызметші бар. Соның ішінде – 59 ер, 44 әйел, басшы лауазымында – 11, мемлекеттік қызметші лауазымында 10 жас азамат бар.