Парламент палаталарының біріккен отырысының барысында қорғаныс министрі Сәкен Жанұзақов мемлекет басшысының ұсынысын оқыды, деп хабарлайды Sputnik Қазақстанға сілтеме жасап Stan.kz.

«Парламенттің 2013 жылғы 20 желтоқсандағы №15 қаулысына сәйкес, Қарулы күштер офицерлерін бейбітшілік пен қауіпсіздікті қолдау жөнінде жартылай міндеттерін орындау үшін БҰҰ бітімгершілік миссияларына әскери байқаушылар ретінде жіберу жүзеге асырылады. 2014 жылдан бастап қазіргі уақытқа дейін Қазақстанның 11 офицері он екі ай бойы Батыс Сахарада және Кот-д’Ивуарда БҰҰ миссияларына қатысты. Парламент мақұлдаған Гаити мен Либериядағы басқа екі миссияға жіберу контингент ауқымының қысқаруына және БҰҰ сұрауының болмауына байланысты жүргізілмеді. Кот-д’Ивуардағы жағдайдың тұрақталуына байланысты осы елдегі БҰҰ миссияларына әскери байқаушылар одан әрі жіберілмейді», – делінеді мемлекет басшысының үндеуінде.

Сонымен қатар Елбасы бітімгершілік контингент ретінде Қазақстан Әскери күштерінен 120-ға жуық әскери қызметшіні Үндістанның Қарулы әскери күштерінің құрамында Ливандағы «БҰҰ уақытша күштері» миссиясына жіберу туралы ұсынды.

«БҰҰ миссияларындағы Қазақстан әскери байқаушылары мен штабтық офицерлерінің санын арттыру халықаралық қауіпсіздікті нығайтуға елеулі үлес қосумен қатар Қазақстанның беделін БҰҰ Қауіпсіздік кеңесінің тұрақты емес мүшесі ретіндегі қызметі аясында халықаралық қауіпсіздіктің жауапты мүшесі ретінде нығайта түседі. Көрсетілген міндеттерді шешу үшін ҚР Конституциясының 53-бабына сәйкес әскери байқаушылар мен штабтық офицерлер ретінде БҰҰ миссияларына Қарулы күштердің офицерлерін 40 адамға дейін жіберу туралы ұсыныс енгіземін», – делінеді үндеуде.

Депутаттар аталған мәселе жөніндегі қаулыны қабылдау үшін дауыс берді.

Stan.kz сайтын Telegram арқылы оқыңыз. Арнамызға жазылыңыз.

Талқылау