Қазақстан бензин бағасы арзан ел атанды
Қазақстан бензин бағасы бойынша Еуропа мемлекеттерінің көшін бастап тұр. Сарапшылардың зерттеуіне сенсек, біздің елде жанармай құны кәрі құрлық нарығындағы бағалардан әлдеқайда арзан екен, деп хабарлайды КТК.
2018 жылдың рейтінгінде- Еуропаның 33 мемлекеті және Қазақстанда жүр. АИ-95 маркалы бензиннің бағасы Қазақстанда 176 теңге. Бұл ең арзан көрсеткіш. Одан кейін Беларусь-206 теңге. Үштікте 233 теңгемен Ресей тұр. Ал АИ-95-тің ең қымбат бағасы Голландия екен. Ол жерде бұл бензиннің бір литрі 629 теңге. Қойнауы қара алтынға толы Қазақстан бензин бағасы ең тез өсетін мемлекеттер тізімінде де бірінші орынды бермей тұр. Бізде бір жылда АИ-95 20 пайызға қымбаттаған. Ал жалақының өсуі бойынша әзірге бұл топтың көшіне ілесуді ойлаудың өзі қиын. Мысалы бензині ең қымбат деген Нидерландта орташа айлық бір миллион теңгенің көлемінде. Қазақстанда орташа еңбекақы олардан 10 есе кем.
Жіберіп алмаңыз:
Қазақстандықтар ең жоғарғы зейнетақыға қалай қол жеткізе алады
Енді банкке қарыз талаптарын өзгертуге өтініш жасауға болады
Қазақстандықтардың базалық зейнетақысы қаншаға өседі?
Жұмысынан айырылғандарға берілетін өтемақы мөлшері өсуі мүмкін