Қазақ қыздарына “блондинка” образы жараса ма?
Ғалымдар жүргізген зерттеу жұмысының нәтижесінде әрбір үшінші әйелдің өзінің шаш түсіне көңілі толмайтындығы анықталды. Бір қызығы, көңілі толмайтын әйелдердің арасында сары шаштылары өте аз. Нақтырақ айтсақ, сары шашты әйелдердің 2%-ның ғана табиғи шаш түсіне көңілі толмайды. Мұнымен қатар, статистикалық мәліметтерге сүйенсек, бұл жандардың отбасылық өмірде де, қызметте де жолы болады екен.
Stan.kz сайты дайындаған материалға орай өз пікіріңізді төмендегі суреттердің біріне дауыс беру арқылы білдіре аласыз.
Бұдан өзге сары шашты қыздардың ақылсыз болып келетіні туралы әзіл-қалжыңдар да көп. Ғалымдардың айтуынша, шашын сары түске бояған әйелдердің 30%-ы бойындағы сенімділігінің артып, мансапта табысқа қол жеткізгендігі, өмірінде сүйіктісі пайда болғандығы туралы айтқан.
Еуропадағы жігіт қауымының 40%-ы “Жарыңыздың шашы сары түсті болғанын қалайсыз ба?” деген сұраққа құба-құп деп келіскен. Алайда бұл көрсеткіштің біздің елімізде қалай болары белгісіз. Өйткені, психолог мамандардың айтуынша, қазақ жігіттері табиғи сұлулықты жоғары бағалап, жарының шаш түсі қоңыр немесе қара болғанын көбірек қалайды екен.
Сары шашты бойжеткендердің ақылсыз болып келетіндігін теория әлі дәлелденген жоқ. Ал зерттеу нәтижелері үнемі бір-біріне қарама-қарсы келеді. Мысалы, АҚШ-та сары әрі ұзын шашты бойжеткендерді бұзық, жеңілтек жандар деп біледі екен. Бұл да статистикалық мәліметтермен байланысты болса керек-ті. Мұнымен қатар, бұл бойжеткендердің қарым-қатынаста тұрақсыз келетіні туралы да айтылған. Ал Еуропа елдерінде керісінше бұл бойжеткендер қоғамда ерекше сый-құрметке ие болады екен.
Сурет: Pandaland.kz
Айжан Нұрмағамбетова
Бағым Мухитденова
Фитнес-жаттықтырушы Гүлмира Мақамбаева
KeshYOU тобының солисі Балжан Бидаш
Ләззат Бигали, продюсер
Талғамға талас жоқ демекші, елімізде шашының түсін жиі өзгертіп, арасында сары түске бояған жұлдыздар көп. Олар – Мақпал Исабекова, Лидо, Луина, әпкелі-сіңлі Нұрсейітовалар, Нағима Есқалиева, Айжан Нұрмағамбетова, Айгүл Бабаева.
Жоғарыда аты аталғандардан өзге әйгілі қазақстандық спортшы Самат Смақовтың әйелінің шашы сары түсті.
Антрополог мамандар шашының түсі табиғи сары болып келетін бойжеткендердің 200 жылдан кейін динозавр секілді жоқ болып кететіндігін, бұдан кейін сары шашты қыз тек 2202 жылы дүниеге келетінін айтады.
Ал сіздің сары шашты қыздарға деген көзқарасыңыз қандай? Қазақ қызына сары түсті шаш үлгісі жараса ма?