Қазақ күресі федерациясының кубогына өтініштер қабылданып жатыр
3-5 желтоқсанда Тараз қаласында Қазақ хандығының 550 жылдығына орай тұңғыш рет қазақ күресі федерациясының кубогы өтеді
Қатысамын деушілердің өтініші қараша айының соңына дейін қабылданады.
“Алдағы айда қазақ күресінің тарихында алғаш рет қазақ күресі федерациясының кубогы үшін турнир өтеді. Жарыстың ең ерекшелігі осы. Осы кубокты ұйымдастыруға ұйытқы болған, қол ұшын созған ҚР Спорттық жекпе-жек жəне күш қолданылатын спорт түрлері конфедерациясына алғысым шексіз. Жалпы, олимпиадалық спорт түрі болмаса да, қазақ күресі мамыр айында осы конфедерацияның тізіміне енген. Ал кубок – ол облыстардағы қазақ күресі клубтарының, əртүрлі ұйымдардың арасында өтетін сайыс”,- ҚР қазақ күресі федерациясының президенті Арман Шораев.
Айтуынша, қазір республика бойынша 14 команда тіркелді. Бұл сайыста «Қазақстан Барысы» мен «Еуразия Барысы» турнирі жүлдегерлері өз аймағының намысын қорғайды. Мысалы, Жамбыл облысынан Бейбіт Ыстыбаев, Оңтүстік Қазақстан облысынан Жұманазар Ерсұлтанов, Қызылорда облысынан Руслан Әбдіразақов, Нұрым Сәлімгереев, Семей қаласынан Айбек Нұғымаров, Мұхит Тұрсынов сынды балуандар қатысады.