Қайрат Нұртастың тыңдармандарымен кездесуінен шу шыға жаздады
Қайрат Нұртас Астанада өз тыңдармандарымен кездесу өткізді. Әнші жұртынан сүйінші сұрап, жаңа бейнебаянының тұсауын кесті.
Әншімен кездесуге STAN.KZ тілшісі де арнайы барып қайтқан еді.
Алайда, Қайрат Нұртастың басы дауға қала жаздады. Бұл жолы кездесу «Хан шатыр» ойын-сауық кешенінде ұйымдастырылды. «Мазала» әніне түсірілген бейнебаянды таныстыру кезінде дүрліккен халық жұлдыздың қолтаңбасы бар дискті аламыз деп, бір-бірін жаншып кете жаздады. Ұйымдастырушылар дер кезінде әрекет етіп, Қайратта қайраттылық танытты. 2013-тің күзі есіне түскен болу керек, басында өз қолымен дискі таратамын деген Қайрат, кездесудің соңына қарай бұл ойынан бас тартты.
Жиын барысында жұлдыз жанкүйерлеріне жақын барып, фотоға түсу ниетін де білдірді. Алайда, қатайған күзет қызметкерлері Қайраттың артық қадам басуына мұрша берген жоқ. Дегенмен «селфилетіп» үлгергендер де болды.
«Түнгі студияда Нұрлан Қоянбаев» бағдарламасының форматында өткен шарада 200 жаңа әндер жинағы мен 1000 дана Қайрат Нұртастың журналы таратылады. Алайда әншінің өз қолынан қолтаңба мен алда болатын концертке билет аламыз деген қарапайым тыңдарманның үміті ақталмады.
Әншінің өзі желідегі парақшасында кездесуге келген азаматтарға алғыс айтқан.