Қатал сынға ұшыраған Мейрамбек Бесбаев докторантурада оқуға ниетті

Мейрамбек Бесбаевтың магистр атанғаны әсіресе, ғылым жолында жүрген профессорлардың наразылығын туғызған еді. Еуразия Ұлттық университетінің профессоры Мырзантай Жақып екі жыл бойы сабаққа келмесе де, магистратурады оқитын отандық жұлдыздарға бестік баға қоюға мәжбүр екенін айтқан болатын, деп жазады Stan.kz ақпараттық агенттігінің тілшісі.

Мейрамбек Бесбаев

Сондай-ақ, ол грантқа таласқан жұлдыздар нағыз білімді жастардың жолын жабуда деп ашынған-тын. Алайда қатал сынға ұшырағанына қарамастан, Мейрамбек Бесбаев оқуын жалғастырмақ ниетте. Бұл туралы ол 31-арнаның “Айта берсін” бағдарламасында айтты.

“Қорғау қиын болған жоқ. Бұл өзімнің салам. Бала күнімнен жүрген сала. Оның үстіне, Алтынбек Қоразбаев туралы тақырып зерттелмеген екен. Бұл кісінің қазақ мәдениетіндегі орны, еңбегі, сол тұрғыда жан-жақты зерттеулер жүргіздім. Ұстазымның қасында менен көп жүрген адам жоқ шығар. Сондықтан кішігірім документалдық фильм жасадым. Оның ішіне бәрі сыймаса да, 30 минутқа сыйдырып, жақсы дүние жасадық.
Жалпы әрі қарай дамытсам да деп ойлаймын. Көп нәрселерді аштым. Ыстанбұлға барған кезде де, сол жақтағы консерваторияда түркі әлемімен біздің ұқсастығымыз, музыкамыз, бізді не байланыстырады, сол туралы көп нәрсе аштым. Ал енді жоқ, жоғары білім бар ғой деп жүре берсем, жүре бергендей болады екенмін. Өнердің төңірегінде көп жаңалықтар аштым, ұстаздарға рақмет айтамын”, – дейді Мейрамбек Бесбаев.

Әнші магистратурада оқып жүрген кезінде гастрөлге шығып тұрғанын жасырмайды. Десе де, зерттеу жұмысына да жіті көңіл бөлуге тырысқан. Тіпті, ол үшін өндірістік тәжірибеден өтіп, арнайы Ыстанбұлға барған. Бесбаев мүмкіндік болған жағдайда, оқуын докторантурада жалғастырғысы келеді.
“Оқығым келеді, әрі қарай уақытқа да байланысты. Бұл жолы да гастрөлдік сапарлар болды, ізденісте жүрдім”, – дейді ол.

Қазақстандық жұлдыздардың өмірі жайлы барлық жаңалықты t.me/kzshow арнамыздан оқыңыздар.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Загрузка...
Орташа айырбас бағамы
15.11.18
Сатып алу
Сату үшін
USD
327
329.5
EUR
370
374
RUB
5.05
5.12
Соңғы жаңалықтар