Қаратаулық 26 жастағы келіншек 10 баланы бауырына басқан

Сәрсенбі, 9 Наурыз , 2016 8:32

Жиырма алты жасар жас ана Ульяна Романқызы Ким он баланы бағып-қағып отыр. Балаларға бас-көз болуға Ульянаның енесі Надежда Ким көмектеседі екен.

Ульяна-Ким-отбасы-620x330

Бұл туралы Ақжол басылымы хабарлайды.

“Келінім балалар үйінде өскен. Ата-ананың жоқтығының тақсыретін әбден тартқан. Жүрегі жұмсақ, жаны нәзік. Жетім көрсе – жебеп, жан шуағын төккісі келіп тұрады. Ульянаның өзі үшеу туды. Балам Валентин Оңтүстік Корея мемлекетінде жұмыс істеп жатыр. Жазға салым келіп, тұрмысымызды көріп кетеді. Не керек, келінім жетім балаларды қамқорлығымызға алайық деді. Біз қарсылық жасаған жоқпыз, – дейді енесі.

“Әрбір сәби ата-ана мейірімін аңсайды. Балалар үйінде жылы-жұмсақ жеп отырса да, аялы алақанды, өз үйі болғанын аңсайды. Өзім де сондай сәтті басымнан өткердім емес пе?! , – дейді Ульяна көзіне жас алып.

Сөйтіп, енесі екеуі әуелі Меркідегі Савва, кейін ондағы балалар үйі жабылған соң Тараз қаласындағы Сармолдаев атындағы балалар үйін жағалап, қамқорлыққа бала асырап алуға ниет еткен. Содан бері, тиісті ұйымдардың келісімімен 5 баланы асырап, бағып отырған жағдайлары бар. Оның үстіне, Қаратау қаласынан ата-ана қарауынсыз қалған 3 қыз жазғы демалыстарында (олар колледжде оқиды) келіп, осы үйді паналайды екен. Сегіз баламен бірге өзінің ұл-қызы мен жиенінің үш баласы да шаңырақтың шаттығына айналған.

Ульянаның «үлкендері» Нина Петровна Алматыда колледжде стилист-модельер мамандығына машықтануда, жаз шыға туған үйіне асығады. Ал Александр – 9, Анна – 7, Петр 5-сыныпта, Анатолий алғашқы дайындық сыныбында оқиды. Бәрі де қаладағы К.Маркс атындағы орта мектепте білім алып жүр. Виктория, Светлана, Любовьтар – қаладағы колледж білімгерлері. Бауырдай болып кеткен үш қыз да жазғы демалыстарында Ким отбасын паналайтын сияқты.

“Оларға үйге келме деп айтуға дәтім де жетпейді. Келсе құшақ жая қарсы аламын”, – дейді Надежда Генхванқызы.

Бес балаға үкімет 106 мың тең жәрдемақы тағайындаған. Оңтүстік Кореяда жұмыс істейтін Ульянаның күйеуімен қатар Астанада тұратын Надежданың күйеу баласы да бұларға қарайласып тұрады екен. Отбасы мүшелері корей этномәдени орталығының жетекшісі Екатерина Цойға да алғыстарын білдірді.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

8
Комментариев
  • Жұмбақ жан says:

    Басқа түскен түсінеді. жүрегі кен айелдер екен Аллаһ жар болсын

  • Алия says:

    Соңғы жылдары жетім балалар мен ата-анасынан ажыратылған, яғни, олардың қамқорлығынсыз қал­ған балалардың жағдайы көпшілікті толғандыруда. Ульяна Романқызы Ким барлығымызға үлгі болып отыр.

  • Арман says:

    «Жетім көрсең жебей жүр» деген ұлағатты терең бойына сіңірген өскен халықпыз. Жарайсын!

  • Еркин says:

    Жарады. Өте құптарлық іс. Жақсылығы Алладан қайтсын!

  • Асқар says:

    Жақсының жақсылығын айт нұры тассын деген. Орынды материал екен.

  • Жансая says:

    :Жақсы бастама екен. Өзгелерге үлгі болып отырған жандар.

  • Қанжар says:

    Көпшіліктің қолынан келе бермейтін дүние. Жарайсыздар.

  • Алмат says:

    Жарайсын!

Leave a Reply

Your email address will not be published.

Орташа айырбас бағамы
22.10.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар