Соңғы жаңалықтар
Соңғы жаңалықтар

Қыдырәлінің “тоқалын” жұрт алдында Қарақаттың өзі көрсетті (видео)

Қыдырәлі Болмановқа әріптестері мерейтойлық  концерттен кейін жеңіл көлік сыйлады.

image

Бұл туралы Stan.kz хабарлайды.

Қарақат пен Қыдырәлі Астанада өткен концертте  “Тоқал” мәселесіне қатысты осыған дейін өздеріне жарнама жасағандарын айтты.

“Мен не істесем де еріммен ақылдасып біргелікте шешім қабылдайтын адаммын. Менің тоқал дегенім мына көлік” деп әнші  су жаңа Toyota Land Cruiser 200 машинасын көрсеткен.

Астана күні қарсаңында “АБК” және “Ұлытау” топтарының мерейтойлық концерті өтті. Аталған концерт басталмай жатып дауға ұласса да, соңы тәтті аяқталған. Себебі, әріптестері жиылып Қыдырәлі Болмановқа темір тұлпар сыйлаған. Бұл қуанышты хабарды продюсердің өзі бөлісті.

“Қарап отырсам өмірде көптеген сыйлыққа ие болып келе жатыр екенмін. Бірнеше көлік те мінгізді. Оның ішінде ескісі де, жаңасы да болды. Бір мәшинені соғып алып, жақсы адамдар екен, аман қалғанымыз үшін деп көлігімді бере салған кездерім де болды.

Қазір мініп жүрген көлікті де бір кездері маған тарту еткен. Оны мініп жүргеніме 15 жылдың жүзі болды. Жазғы демалысқа кеткен кезде өз көлігімді “тюнинг” жасатып, келгеннен кейін жаңа көлік алдық дей саламын деп жоспарлағам. Оны керемет жасайтын мамандармен де келісіп қойғанмын. Әжемнің “Шебер Алла” дейтін сөздері есімнен кетпейді. Солай екеніне көптен бері еш күмәнім жоқ. Мақтанды демеңіздер.

Бұл мен үшін көлік емес, қимас достарымның көл-көсір, ақ-адал ниеттері! Алла разы болсын! Әрқайсысының отбастарына Алла миллиондаған есе қылып қайтарсын. Үйіп-төгіп бақ-береке берсін деп тілеймін! Сіздермен қуанышыммен бөлісейін деген ниет қана”, – деп Қыдырәлі Болманов балаша қуанып тұрғанын жеткізді.

Концерттен кейінгі тосын сый… Көлік құтты болсын Қыдеке…! @kydyrali_bolman @karakat_a

Видео опубликовано Айнур Турсынбаева (@aidyn_nury)

Мұнымен қатар, концерттің жоғары деңгейде өтуіне атсалысқан Астана әкімдігінің мәдениет басқармасының басшысы Болат Мажағұлов мырзаға алғысын жеткізді. Ал концерт басында орындарға байланысты болған шулы мәселенің әзірге қалай шешілгені белгісіз.


Жіберіп алмаңыз:

Қыдырәлі Болманов Төреғалидің қатысуымен Қазақстанда ешкім қойып көрмеген концерт жасамақ

Қыдырәліге ерекше сый жасағысы келген Қарақат жұрт алдында тоқал алып беруге уәде етті

Әріптестері Қарақаттың Қыдырәліге тоқал алып беруіне қатысты пікір білдірді

Қарақат Қыдырәліге тоқал сыйламақ болған себебін түсіндірді

Талқылау