Қарағандылық азамат тұрмысы төмен отбасылардың қыздарын жезөкшелікке мәжбүрлеген

Қарағандылық ер адам айыпты деп танылып, 4,5 жылға бас бостандығынан айырылды. Қарағанды облысы Қазыбек би аудандық сотында жезөкшелікпен айналысатын мекенді ұйымдастырумен және жеңгетайлықпен айналысқан ер адамға қатысты қылмыстық іс қаралды.

Бұл туралы Қазақпарат хабарлайды.

Аудандық соттың баспасөз қызметінің хабарлауынша, айыпталушы бірнеше сотталушымен алдын ала сөз байласып, тұрмысы нашар отбасыдан шыққан қыздарды жезөкшелік құлдыққа салу туралы қылмыстық жоспар құрған. Қыздарды жезөкшелікпен айналысуға мәжбүрлеген.

Сот үкімімен айыпталушы бірнеше қылмыс жасауда кінәлі деп танылып, жалпы мерзімі 4 жыл 6 айға бас бостандығынан айырылды және оның мүлкі тәркіленіп, жазасын жалпы режимдегі түзеу колониясында өтейтін болады.

Сот үкімі әлі күшіне енген жоқ.

Жіберіп алмаңыз:

Алматыда « жезөкшелік жеңгетайлықпен» айналысқан экс-полиция полковнигі сотталды