Қарағандылық үйін қардан жасалған үңгірмен қоршаған (видео)

Қарағандылық жел мен аяздан қорғанудың жолын тапты. Суық қыстан әбден шаршаған ауыл тұрғыны енді ондай қиындықтан шығудың жолын тапқан.

Бұл туралы 31 арна хабарлайды.

Қардан жасалған қоғанның құрлысы көпшілікті таң қалдырды. Үй иесі ғаламтор қолданушыларына өз туындысын түсіндіру үшін кішігірім саяхат жасап көрсеткен.

Үйдің сыртқы есігінен шыққанда қардан жасалған екі бөлмелі қорған салынған. Әрине төбесі жабық. Жылы болу үшін қожайын алашамен бекітіпті. Екі дәліздің бірі от жағатын бөлмеге алып барады. Онда үй иесі жіп тартып, жуылған киімдерді жаятын орын дайындап қойған. Құрлыс авторы  қар қорғанның пайдасы көптігін мақтана айтады.