Қарағандыда төсек астынан өлі сәби табылды
Қарағандыдағы жер үйлердің біріндегі керует астынан нәрестенің өлі денесі табылған. Үйде ішімдік ішкен анасы мен әжесі болған екен.
Қарағандыда керует астынан өлі сәби табылғаны туралы, ІІБ баспасөз қызметі хабарлайды.
“2016 жылдың 16 қаңтарында жер үйлердің біріндегі керует астынан қайтыс болған нәресте табылды. Сәби қыз бала екен. Жедел-тергеу тобы жеткен кезде, үйде ішімдік ішкен анасы мен әжесі болған”, – делінген хабарламада.
Аталған іс бойынша ҚР ҚК 119 бөлімі бойынша сотқа дейінгі тергеу шаралары жүргізіледі.
«Патологоанатомиялық зерттеулерге сәйкес, сәби бүкіл денесі жаурағандықтан шетінеп кеткен. Тергеу жұмыстары жалғасып жатыр»,- деп мәлімдейді ІІД.
Аталған іс сотқа дейінгі тергеу жұмыстары құжатында ҚР ҚК 3 бөлімі, 119 «Қауіпті жерде қалдыру» бабына сәйкес тіркелді.
Талқылау