Қарағандыда интернаттың 7 баласы уланып, ауруханаға жатқызылды
Қарағандыда психикалық дамуы тежелген балаларға арналған арнайы мектеп-интернаттың 7 оқушысы тамақтан уланып, жұқпалы аурулар ауруханасына жатқызылды.
Барлық оқушылар ауруханаға жүрек айнып, құсып, бас айналу, іштің ауырып, бірдей белгілермен түсті. Алдын ала диагноз – азық-түліктен улану.
Бұл жайтты Қарағанды облысының Ішкі Істер департаменті растады.
Олардың айтуынша, Қарағандыдағы орта мектеп оқушыларының медициналық мекемеге емдеу фактісі бойынша Қр ҚК 114 бап, 4 бөлігі «Екі немесе одан да көп адамның абайсызда денсаулыққа зиян келтiру» бап бойынша сотқа дейінгі іс қозғады. Қазір тергеу жүргізіліп жатыр.
Талқылау