Қарағанды тұрғыны: Ауладан табылған пышақтармен балаларға қастандық жасалғалы жатыр

Қарағанды полицейлері бірнеше жерде топыраққа 100-ден аса пышақ қадап кеткендерді іздеп таппай жатыр. Соңғы рет тұрғындар балалар ойнайтын ауладан қадалған 17 пышақты байқаған, деп хабарлайды Stan.kz ақпараттық агенттігі КТК арнасына сілтеме жасап.

Қарағанды тұрғыны: "Ауладан табылған пышақтармен балаларға қастандық жасалғалы жатыр"

Бұл жағдайға байланысты жұрттың ойы сан саққа жүгіруде. Бірі мұны ауланы абаттандыратын жұмысшылар тастап кеткен десе, екіншілері жын-шайтандарды шақыратын діни жоралғы екенін айтып, қара аспанды төндіріп жүр.

Алғашқы 25 пышақ көше бойында отырғызылған гүлдердің арасынан табылды. Мұны көргендер бұларды абаттандырушылар тастап кетті деп болжаған. Аз уақыттан соң тура осындай 72 пышақ екінші бір көшедегі гүлдердің арасынан алынды. Ал қаланың саябақтарды басқару бөліміндегілер абаттандыру жұмыстарына пышақты қолданбайтындарын айтып ант су ішуде. Артынша, аулалардың бірінен тағы 17 пышақтың қадалып тұрғанын көрген жұрттан тіпті зәре кетті. Осы арада жергілікті әулиесымақтар бұл шын-шайтанды шақыратындардың ісі деп жатыр. Ал тәртіп сақшылары әзріге қара жерге қадалған пышақтардың құпиясын аша алатын емес. Сондықтан ойы сан-саққа жүгірген жұрт полициядан елді дүрліктіргендерді тезірек табуды талап етіп отыр.

«Қазір біз сан түрлі болжамды ойлап тауып, дүрліккеніміз дүрліккен. Мұны әрқайсысы өзіне жасалған бір діни жоралғы деп бастары айналып жүр. Ауладан табылған пышақтармен балаларға қастандық жасалғалы жатыр деп соғып жүргендер де бар. Болжамдардың ұшы-қиыры жоқ. Сондықтан полицейлер осыны істегендерді тауып, елді сабасына түсіргені жөн», – дейді Вероника Бабаева, Қарағанды қаласының тұрғыны.

Stan.kz сайтын Telegram арқылы оқыңыз. Арнамызға жазылыңыз.

 

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Загрузка...
Орташа айырбас бағамы
13.11.18
Сатып алу
Сату үшін
USD
327
329.5
EUR
370
374
RUB
5.05
5.12
Соңғы жаңалықтар