Қаңғыбас иттер теннис добын тасуға үйретілді (видео)

Бразилияда ұйымыдастырушылар Сан-Паулу қаласында өткен теннистің ашық біріншілігінде қаңғыбас иттерді жарысқа қызмет еткізуді ұйғарған.

Иттер ойын кезіндегі сырт жаққа ұшып кететін теннис доптарын ойыншыларға әкеліп беруге үйретілген. Алайда, иттерді мұндай қызметке үйрету оңайға соқпаған көрінеді.

Видеодан сол иттердің доптарды қалай әкеліп бергенін көруге болады. Тіпті, олардың бір аяғы мен мойнына арнайы қызыл мата да байланған. Ролик португал Гаштао Элиаш пен испан Роберто Карабальес-Баэна арасындағы матч кезінде түсірілген.

«Біз қаңғыбас иттердің де пайдаға жарайтынын дәлелдегіміз келді. Оларды үйрету кезінде допты қайтып алу қиынға соқты», – дейді жануарлар жағдайы ассоцициясының жаттықтырушысы Андреа Бекерт.