Қанат Ислам WBO рейтінгінде алтыншы орынға көтерілді
Бүкіләлемдік бокс ұйымы боксшылардың жаңартылған рейтингін жариялады.
Бұл туралы sports.kz хабарлайды.
Жаңа рейтинг бойынша алғашқы орта салмақта бокстасатын (69,9 келі) қазақстандық кәсіпқой боксшы Қанат Ислам 6-шы орынға жоғарылап WBO-дағы ТОП-15 боксшы қатарына кірген.
Әзірге көш басында америкалық Деметриус Андраде болса, ұйымның чемпионы атағы мексикалық Сауль Альварестің еншісінде. Сонымен қатар, Қанат Ислам IBF рейтінгінде 15-ші, WBA рейтінгінде 5-ші орында тұр.
Бұған дейін Қанат Исламның соңғы ганалық Патрик Аллотейге қарсы өткізген кездесуіне қатысты дау туындаған болатын. Айта кетейік, 29 қазан күні Қанат Ислам Патрик Аллотеймен кездесіп, кәсіби рингтегі 22-жеңісіне жеткен еді.
Оқи отырыңыз:
Желіде Головкиннің егізінің суреті пайда болды (фото)
Әуесқойлық бокста Головкинді соққан боксшы жекпе-жектен кейін комаға түсті