Канадалық көз жанарына камера орнатты

Бір көзі көрмей қалған канадалық Роб Спенс бұл олқылықтың орнын толтырудың жаңаша әдісін тапқан. Әдетте мұндай ауруға ұшырағандар операцияға немесе басқа да медицина мүмкіндіктеріне жүгініп жатады.

Бұл туралы Daily Star хабарлайды.

Ал 43 жастағы канадалық көрмей қалған көз жанарына кішігірім камера орнатып қойыпты. Ол енді камера арқылы сыртқы дүниеге қарап ғана қоймай, оны камера жадына да жаза алады.

Камера алыстан қарағанда құдды көз секілді көрінеді. Алайда, ол денедегі жүйке талшықтарымен байланыстырылмапты.

Роб оң жақ жанарынан тоғыз жасында айырылған екен. Роб Спенс өзінің жаңа көзі, адамдардың эмоциясын дер кезінде байқап, жазып алады, ал оны кейін деректі фильм ретінде пайдалануға болады деп ойлайды. Ал, көздегі бұл құрылғыны ол магнит арқылы басқарады.