Италиялықтар Жетісудың табиғатын көріп таң-тамаша болды (фото, видео)
Алматы облысындағы “Алтын-Емел” мемлекеттік ұлттық табиғи паркіне келген италиялықтар табиғатты көріп, тамсанып қатты таңырқапты. Бұл туралы ҚазАқпарат хабарлайды.
Туристерді әсіресе әуен шығарып тұратын Айғайқұм бархан құмы қатты таңғалдырған.
“Айғайқұмның дауысын естіп, сұлулығын тамашалау үшін құм шыңының басына шығу керек. 150 метрді артқа тастап, алғаш рет құмнан шығатын ерекше әуенді естіп тұрмыз. Алған әсерді ауызбен айтып жеткізу қиын, оны тек сезіну керек”, – дейді Даниел Джордани.
11 туристен тұратын топ Қазақстанға алғаш рет келіп отыр. Ол Қазақстан туралы 2015 жылы Миланда өткен ЭКСПО көрмесі кезінде естіп біліпті.
“Мен сол кезде келесі ЭКСПО-ның Қазақстанда өтетінін білдім. Өзім туристік агенттікте істегендіктен Қазақстан туралы біле салысымен бұл елге деген қызығушылығым арта түсті. Сіздердің сұлу табиғаттарыңыз талайларды тәнті етеді. Осылайша ЭКСПО-ның арқасында бізде Қазақстанға келіп қалдық”, – дейді турист Джаммарко Лупини.
Оларды қазақтардың қонақжайлылығы да тәнті еткен. Туристер алдағы күндері Алматы облысындағы Шарын шатқалына баруды жоспарлап отыр. Одан кейін Астананы беткен алып, ЭКСПО көрмесіне қатысады.
Оқи отырыңыз:
Түрмеден босап шыққан Юрий Пакты оқушылары салтанатпен күтіп алды
Қазақстанда қандай діни киімдерге тыйым салынбақ