Италия сенаты бір жыныстылар одағын заңдастыруды қолдады
Италия сенаты бір жыныстылар одағын заңдастыру туралы заң жобасын мақұлдады. Жобаның қабылдануына 173 сенатор дауыс берсе, 71-і қарсы болған. Заң жобасын әлі парламенттің төменгі палатасы бекітуі керек.
Сурет rawstory.com
Бұл туралы BBC орыс қызметі хабарлайды.
Италияның премьер-министрі Маттео Ренци дауыс беру қорытындысын “тарихи сәт” деп бағалады. Егер, заң жобасы толықтай мақұлданса онда бір жыныстылар мүлік бөлу және мұрагерлік қалдыру құқықтары қорғалатын болады.
Құжатта бір жынысты жұптардың бала асырап алу мүмкіндіктері қарастырылмаған. Мұны италиялық ЛГБТ қауымдастығы “опасыздық” деп бағалаған. Қаңтар айының соңында Италияда осы заң жобасына қабылдануына қатысты ЛГБТ қауымдастығы және бір жынысты некені заңдастыруға қарсылар шеру өткізген еді.
Италия әзірге Европа елдерінің ішіндегі бір жынысты некелесуге де, көгілдірлердің де некелесуіне рұқсат бермеген жалғыз ел болып қалып отыр. Жергілікті заң негізінде гей-одақтарға мүмкіндік берілгенімен, ұлттық деңгейде тыйым салынған. Өткен жылы Европалық сот Италияда бір жынысты одақ пен некенің болмауы адам құқығын шектеу деп қаулы шығарған болатын.