Испанияда тікелей эфирде бұқа матадорды сүзіп өлтірді (видео)
Сенбі күні Испаниядағы Теруэль қаласында кәсіби тореадор Виктор Баррионы бұқа сүзіп өлтірді.
Бұқа 29 жастағы матадорды испандық Теруэль қаласында ойын көрсету кезінде сүзген, оның мүйіздері Барррионың кеудесіне кіріп кеткен.
Коррида сайысын жергілікті телеарна тікелей эфирде таратып жатқан. Ер адамды жедел түрде ауруханаға жеткізгенімен, оның өмірін құтқарып қала алмаған.
Виктор Баррио Сеговияда 1987 жылы туған. Ол Лас-Вентас аренасына алғаш рет 2012 жылы шығып, бұқамен бетпе-бет келген.
20 ғасырда Испанияда 134 адамның ажалы бұқалардан болған, олардың ішінде 33-і- матадор.
Талқылау